【健狗の怪夢】
其實我經常性發一啲印象深刻嘅怪夢
話說琴日我夢見自己去睇九個人嘅少女時代演唱會
等待開場嘅時候泰妍坐在我斜後方
我個心即時一個小鹿亂撞😍😍😍
然後鼓起勇氣問泰妍可否跟我合照
佢好Nice地同我講：「當然可以啦」
喱一刻我覺得泰妍簡直係天上邊嘅仙女
（留意番，佢係身穿黑色毛衣心口有一個好大嘅細明體叻字仲係空心嘅字）
然後我就超開心地搵人幫我地揸機
然後超開心地睇返張相影得好無
發現啲相一係未準備好一係個樣炒晒車
仲有 佢竟然用snapchat將我同泰妍換面！
我想講呢一張相應該係我人生影過最幸福嘅相
佢竟然同我玩換面！🔥🔥🔥
我嗰一刻我好凶狠地問候左佢娘親
因為唔好意思問泰妍可唔可以影多一次
我就咁放棄咗同泰妍有嘅完美合照
（我真係㷫過火屎）
到咗就快開場嘅時候
SM嘅練習生曬冷出晒來
唱少女時代嘅KissingYouBaby
佢哋嘅外型有好古怪嘅Punk頭同笠頭啊姑
仲要首歌唱到走曬音(極古怪)
不過唔緊要啊！我今日嘅重點係少女時代
係九個人嘅少女時代演唱會！！
我好感動因為其實我從來都買唔到飛睇少女時代演唱會（哪有錢！）
到咗正式開場係螢幕播放影片嘅時候
螢幕上寫住「無法顯示網頁」
之後仲搵Server播片？！
結果我真係「少年我太年輕了」
因為我以為係只播開場影片
「結果全個演唱會都係播片」
仲要係超低青240P!!!!!
我從未試過咁憤怒（想開仙人模式）
最後因為嬲得滯醒咗...嗚～
咁岩今日係泰妍Instagram三周年
我真係好愛泰妍啊
我對佢嘅愛已經超出左自己嘅想像了
我知道～你地一定要想問
「點解泰妍開演唱點解會坐觀眾席」
我係個夢都有咁諗啊！
不過我覺得泰妍一定係想親近Fans
所以開場前坐係觀眾席同我地玩
這是一個喪心病狂的故事！
Search